Շարքային թուրքերի ավելի քան մեկ երրորդի համոզմամբ` Հայաստանն իրենց երկրի անվտանգության համար լուրջ սպառնալիք ներկայացնող պետությունների տասնյակում է: Սա են վկայում Ստամբուլում գործող «Քադիր Հաս» համալսարանի կողմից անցկացված ամենամյա ծավալուն սոցհարցման արդյունքները, որոնք հրապարակվեցին այս շաբաթ:
Դրանց համաձայն, թուրքերի 35 տոկոսը վստահ է` Հայաստանը Թուրքիայի ազգային անվտանգության համար լուրջ սպառնալիք է հանդիսանում:
Հարկ է, այդուհանդերձ, նկատել, որ անցած տարվա նույնատիպ հարցման համեմատ հայերից վտանգ ակնկալող թուրքերի թիվը զգալիորեն կրճատվել է: «Քադիր Հաս» համալսարանի` 2014-ի հունվարին հրապարակած տվյալներով՝ Հայաստանը որպես սպառնալիք էր դիտարկում հարցված թուրքերի 53 տոկոսը: Այսօր, սակայն, հարցման մասնակիցների 48 տոկոսի համոզմամբ՝ Հայաստանը իրենց երկրի համար որևէ վտանգ այլևս չի ներկայացնում: Ուշագրավ է, որ անցած տարի Հայաստանի հանդեպ առավել հանգիստ տրամադրված թուրքերի թիվը ընդամենը 28 տոկոս էր:
Գեւորգ Ստամբոլցյան
Կարդացեք նաև
Նյութի մանրամասները կարդացեք «Ազատություն» ռադիոկայանի կայքում
