Նոյեմբերյան քաղաքի բնակիչ (տողերիս հեղինակի հարեւան), 1991թ. ծնված Արշակ Ջանվելյանն արդեն 3 տարի բնակվում է Մոսկվայում, սովորում ֆիզկուլտուրայի, սպորտի, երիտասարդության եւ տուրիզմի ռուսական պետական համալսարանի 2-րդ կուրսում:
Նա այդ ընթացքում, ամեն 3 ամիսը մեկ Մոսկվայում հաշվառվել է: 2014թ. դեկտեմբերի 23-ին նա այցելել է Մոսկվայի մարզի Ժելեզնադարոժնի քաղաք: Այդ քաղաքը օտարերկրացիների համար փակ է համարվում, սակայն, Արշակ Ջանվելյանի վկայությամբ՝ քաղաքի մուտքերին այդ մասին ցուցանակ, հսկիչ-անցագրային կետեր չկան, ինքն այդ մասին տեղյակ չէր: Նրան սպառնում է Ռուսաստանից վտարում՝ 5 տարի այդ երկիր չվերադառնալու պայմանով:
Արշակն ասաց, որ ինքն այդ հարցով դիմել է Ռուսաստանում Հայաստանի դեսպանատուն, սակայն այնտեղ իրեն նույնիսկ չեն ընդունել, որ իմանան խնդրի մասին:
Ա. Ջանվելյանը փաստաբան է վարձել, վիճարկել իրեն Ռուսաստանից վտարելու որոշումը, դատը կկայանա վաղը՝ հունվարի 22-ին: Նրա խոսքերով՝ դատարանում հաղթելու իր շանսերը մեծ չեն:
Կարդացեք նաև
Համացանցում շատ են ռուս օգտատերերի գրառումներն այն մասին, որ թեեւ օտարերկրացիների համար Ժելեզնադարոժնին փակ քաղաք է համարվում, սակայն այնտեղ մշտապես աշխատում են հարավկովկասյան հանրապետությունների, արեւելյան երկրների եւ Աֆրիկայի պետությունների քաղաքացիներ:
Ոսկան ՍԱՐԳՍՅԱՆ
հետո՞ , ինչ ասել կուզեիր, հարգելիս, որ Ռուսաստանը վատ երկիր է՞
սուրոյով հայերին արտաքսում են եվրոպայից ու ամերիկայից, նրանց մեջ սկի հարևան, բարեկամ չունես՞
:Հային և Հայաստանից են հանում և ցանկացած երկրից:Չգիտե*ք ինչու:Ուրիշ մոլորակ է պետք գտնել:Չէ որ Հայաստանից են սկսվելու տիեզերքի բնակեցումը: