Ռուսաստանի պետդումայի պատգամավոր, լեգենդար հոկեիստ Վյաչեսլավ Ֆետիսովը առաջարկում է դոպինգ օգտագործած մարզիկներից ետ վերցնել բոլոր պարգեւները, խրախուսական մրցանակները, ընդհուպ մինչեւ բնակարաններն ու մեքենաները:
«Մարդիկ գիտեն, որ կարող են իրենցից ետ վերցնել մեդալները, ինչը հարված է նրանց հեղինակությանը: Բայց, միեւնույն է, օգտագործում են: Հավանաբար, հարկավոր է այդպիսիներին ստիպել պարգեւավճարները, այդ թվում՝ բնակարաններն ու մեքենաներն էլ վերադարձնել», – ասել է սենատորը РИА «Новости»-ին եւ հավելել, թե, գուցե, ավելի ճիշտ կլինի հաղթող մարզիկներին պարգեւատրել ոչ թե անմիջապես, այլ 10 տարի հետո: Օրինակ, մրցանակային գումարները դնել կենսաթոշակային հիմնադրամներում:
Դոպինգի փորձանմուշները պահվում են 10 տարի եւ այդքան ժամանակ մարզիկը կարող է մեղադրվել հակադոպինգային պահանջները խախտելու մեջ:
Աշոտ ՀԱԿՈԲՅԱՆ
Լուսանկարը՝ championat.com-ի
