Մալախովի հրավերը ընդունել է աշխարհահռչակ մանկաբույժ Ռոշալը, որը, սակայն, տեղեկանալով փոքրիկի մահվան մասին, առաջինն է հրաժարվել մասնակցել շոուին՝ ասելով, որ դա իր համար անձնական ողբերգություն է, եւ ինքը հրաժարվում է երեւալ էկրաններին։
Հավելենք նաեւ, որ Ռոշալը շուրջ մեկ շաբաթ կապի մեջ է եղել փոքրիկի կյանքը փրկել ցանկացող բժիշկների հետ, ավելին՝ որոշ դեղամիջոցներ հենց ինքն է Մոսկվայից ուղարկել Հայաստան։
Չնկարահանված հաղորդմանը հրավիրված են եղել ՌԴ-ում հայտնի հայազգի ռեժիսոր Տիգրան Քյոսայանը, ՌԴ-ում բնակվող հայազգի հայտնի երգչուհի Ռոքսաննա Բաբայանը։
«ՉԻ» տեղեկություններով՝ հաղորդման մասնակցության հայտը հաստատած է եղել նաեւ ռուս դերասանուհի Սվետլանա Սվետլիչնայան, որը Գյումրիում է ծնվել։ Նրա հայրը զինվորական է եղել եւ Գյումրիում ծառայության է եղել, երբ ծնվել է Սվետլանան։
Հունվարի 19-ին՝ փոքրիկի մահվան փաստը պատճառ է դարձել, որ հաղորդումը չնկարահանվի։ Հայաստանից մեկնած խումբը վերադարձել է Հայաստան։
Գոհար ՎԵԶԻՐՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
