Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում այսօր Կարեն Դեմիրճյանի անվան Մետրոպոլիտենի նախկին աշխատակիցներ Գագիկ Գալստյանի, Սևակ Հովհաննիսյանի եւ Անդրանիկ Գևորգյանի հայցադիմումի համաձայն գործի քննությունը դեռ չսկսած դատարանի որոշմամբ հետաձգվեց եւ նշանակվեց փետրվարի 16-ին, ժամը 16:45-ին։
Նշենք, որ Գագիկ Գալստյանը, Սևակ Հովհաննիսյանն ու Անդրանիկ Գևորգյանը 2014թ. փետրվարի 11-ին պարտադիր կուտակային կենսաթոշակային համակարգի դեմ բողոքի ցույցերին մասնակցելու համար հեռացվել էին աշխատանքից եւ հիմա դատարանում իրենք վիճարկում են աշխատանքից ազատման հրամաններն անվավեր ճանաչելու, նախկին աշխատանքը վերականգնելու, հարկադիր պարապուրդի գումարները վճարելու հարցերը:
Նախորդ դատական նիստին դատարանը որոշում էր կայացրել վերսկսել գործի քննությունը եւ լրացուցիչ հետազոտել գործի ապացույցները:
Դատարանը հարկ էր համարել հետազոտել պատասխանող կազմակերպության կողմից որպես ապացույց ներկայացված ամենօրյա աշխատանքների վերաբերյալ մատյանները:
Կարդացեք նաև
Էլյա ՀՈՎՀԱՆՆԻՍՅԱՆ
