Ինչպես արդեն տեղեկացրել ենք այսօր երեկոյան ծեծի է ենթարկվել Վիլեն Գաբրիելյանը՝ հասարակությանը ավելի հայտնի «Նավակ ճոճողը» անունով:
Այս պահին նա գտնվում է 1-ին համալսարանական հիվանդանոցում եւ հետազոտվում է բժիշկների կողմից: Հիվանդանոցում «Առավոտը» զրուցեց Վիլենի ընկերներից Հակոբ Սիմիդյանի հետ, ում տվյալներով Վիլենի ներքին օրգանները չեն վնասվել, սակայն, դեմքը այտուցված է, հավանաբար նաեւ ուղեղի ցնցում ունի: Մեր տեղեկություններով՝ բժիշկների հետազոտումից հետո կպարզվի՝ կարիք կա՞ նրան այլ հիվանդանոց տեղափոխելու, թե՞ ոչ:
Հակոբ Սիմիդյանի պատմելով՝ Վիլեն Գաբրիելյանի վրա դիմակավորված չորս անձ հարձակվել է Կողբացի փողոցի վրա եւ սկսել են ծեծել փայտե մահակներով՝ «բիտաներով»: Ենթադրվում է, որ «Նավակ ճոճողը» ծեծի է ենթարկվել իր քաղաքական հայացքների եւ ակտիվության պատճառով, քանի որ նախկինում էլ է այդ պատճառով սպառնալիքներ ստացել:
Հիվանդանոցում այժմ հավաքված են (լուսանկարում) Վիլեն Գաբրիելյանի բազմաթիվ ընկերներ եւ ծանոթներ, որոնք սպասում են նոր տեղեկությունների՝ նրա վիճակի մասին:
Կարդացեք նաև
Նելլի ԲԱԲԱՅԱՆ
