«Փոքր եղբոր» բարդույթ ունեցող հայերը իրավահավասարություն և երկրի ինքնիշխանության նկատմամբ հարգանք են պահանջում, ինչը նրանց համար ավելի կարեւոր է, քան Գյումրիում ընտանիքի 6 անդամների սպանության մեջ մեղադրվող Վալերի Պերմյակովի նկատմամբ անխուսափելի պատիժը՝ «Էքսպերտ» պարբերականում գրում է Գևորգ Միրզայան անունով վերլուծաբանը:
Հայկական ազգանունով հեղինակի կարծիքով՝ եթե Պերմյակովին փոխանցեն Հայաստանի իրավապահներին, ապա հայ-ռուսական հարաբերությունները կվատանան. «Այսպիսի բողոքի ալիքում հայկական արդարադատությունը չի կարող ապահովել դատական գործի անաչառությունը: Դատավորներն ուղղակի կվախենան, որ իրենց կարող են Լինչի դատաստանի ենթարկել: Նույնիսկ, եթե պարզվի, որ Պերմյակովը անմեղսունակ է, ամենայն հավանականությամբ նրան ցմահ ազատազրկման կդատապարտեն ու հայկական բանտ կնստեցնեն, որտեղ նա դժվար թե երկար ապրի», – գրում է նա՝ հավատալով, որ նրան կսպանեն ու կներկայացնեն, թե «ինքնասպանություն» է գործել:
Միրզայանը, շարունակելով երևակայել, ասում է, որ «ինքնասպանության» լուրը կպպտեցնեն ռուս ազգայնականնները, հակահայկական և ադրբեջանական ուժերը. «Ու այդ դեպքում կմեծանա ռուսական բազան Հայաստանից հանել պահանջողների քանակը»:
Պատրաստեց Հովհաննես ԻՇԽԱՆՅԱՆԸ
Կարդացեք նաև
