ՀՀ ոստիկանապետ Վլադիմիր Գասպարյանն այսօր ՊՆ-ում տեղի ունեցած խորհրդակցությունից հետո պատասխանեց լրատվամիջոցների հարցերին, որոնք վերաբերում էին Գյումրիի դեպքերին:
Նա ասաց. «Մենք մեր ֆունկցիաները կատարում ենք, շարունակում ենք կատարել, հիմա նախաքննության փուլում է, ու գլխավոր դատախազը ուղղակի պրոցեսուալ գործողություններ է կատարել»։
Այն հարցին, թե այլ անձանց մասնակցություն կա՞, ոստիկանապետը պատասխանեց. «Այդ ամեն ինչը, հոգիս, երեւակայություն է, քննությունը պետք է պատասխան տա՝ այլ անձինք եղե՞լ են, ինչո՞ւ է կոշիկը այնտեղ մնացել, ինչո՞ւ է թողել այն մեկը, ո՞նց է եկել այստեղ, ո՞ր ճանապարհով, բազում հարցեր կան, եթե մենք այդ հարցերի մեջ խճճվենք, դա ոչ ձեզ, ոչ էլ ինձ է բան անելու»։
«Ինչո՞ւ մեր իրավապահները չբռնեցին ոճրագործին» հարցին էլ ոստիկանապետը պատասխանեց, թե պատասխանել է, էլի կպատասխանի. «Մենք, անկեղծ ասած, դեպքից մի 2 ժամ առաջ ինֆորմացիա ստացել էինք, ու 35 հոգանոց խումբը գնացել էր մի հատվածը նայել էր, եւս մեկ անգամ զգուշացրել էինք տեղերում, որ ուշադիր եղեք: Հիմա ինչքան էլ հանգստացնում ենք հասարակությանը, որ զենք չկա մոտը, հանգիստ եղեք, որ խուճապը դադարեցնեն, դա խանգարում էր մեր աշխատանքներին: Նշանակություն չունի՝ ով է բռնել»:
Կարդացեք նաև
Ռուզան ՄԻՆԱՍՅԱՆ
