Հունվարի 15-ին, ժամը 21.00-ի սահմաններում, երբ արդեն պատրաստվում էինք Գյումրիից Երևան վերադառնալ, Հիմնադիր խորհրդարանի անդամներ Վարդան Հակոբյանի մեքենային մոտեցան մի խումբ քաղաքացիական հագուստով ոստիկաններ և մեքենայից դուրս հանեցին Հիմնադիր խորհրդարանի անդամ Վարուժան Ավետիսյանին: Չներկայացնելով որևէ իրավական հիմք և խոչընդոտելով լրագրողիս մասնագիտական աշխատանքը, արգելում էին նկարահանել և ստիպեցին Վարդան Հակոբյանին քշել մեքենան Գյումրիի Մուշ ոստիկանական բաժանմունք: Մեքենայի մեջ էր նաև քաղաքագետ Իգոր Մուրադյանը:
Քաղաքացիական հագուստով անձինք հրաժարվեցին ներկայացնել փաստաթղթեր, բացի մեկից: Ոստիկանությունում ուղիղ 3 ժամ ինձ պահելուց հետո ազատ արձակեցին և հորդորեցին դուրս գալ ոստիկանությունից, իմ այն պնդումներին, թե գիշերվա 00.20 ին անծանոթ քաղաքում, այն էլ այս վտանգավոր պայմաններում որտեղ պիտի սպասեմ և իմ անվտանգությունը ով պիտի ապահովի, եթե մեր մեքենայի վարորդ Վարդան Հակոբյանին և մնացած ուղևորներին ազատ չեք արձակում, որոշեցին թողնել ոստիկանության շենքում, որից հետո մինչև 3.00-ի սահմաններում բոլորին բաց թողեցին:
Նյութի մանրամասները կարդացեք lragir.am-ի կայքում
