Կենտրոն եւ Նորք-Մարաշ վարչական շրջանների ընդհանուր իրավասության դատարանում դատավոր Արշակ Վարդանյանի նախագահությամբ այսօր պետք է սկսվեր լեգենդար բռնցքամարտիկ Իսրայել Հակոբկոխյանի դեմ հարուցված քրեական գործի դատաքննությունը:
Դատարան չէր ներկայացել տուժող Դիանա Ստեփանյանը:Այս պատճառով հետաձգվեց դատական նիստը, եւ այն նշանակվեց հունվարի 19-ին:
Ինչպես արդեն տեղեկացրել ենք, ճանաչված բռնցքամարտիկին մեղադրանք է առաջադրվել այն բանի համար, որ նա Երևանի Տպագրիչների փողոցի թիվ 13 շենքի թիվ 43 բնակարանի բնակչուհի՝ Դիանա Ստեփանյանի «գույքը վնասելու դիտավորությամբ», երեք անգամ ջուր է լցրել Դիանա Ստեփանյանի բնակարան, ինչի արդյունքում ջրի ներհոսքի հետևանքով հարեւանուհուն պատճառվել է 88.814 ՀՀ դրամի գույքային վնաս:
Ի.Հակոբկոխյանի նկատմամբ խափանման միջոց է ընտրված ստորագրություն չհեռանալու մասին:
