Երեկ տեղեկացանք, որ Հայաստանի տարածքում կատարված հանցանքը, չգիտես ինչու, քննելու են ռուս իրավապահները։ ՀՀ գլխավոր դատախազությունը մի ամոթալի հաղորդագրություն է տարածել այն մասին, որ ռուս հանցագործին մեր իրավապահներին հանձնելու հիմքեր չկան։ Կարծես մարդիկ տառաճանաչ չեն՝ չեն կարող օրենքները կարդալ ու պարզել, որ բոլորովին էլ այդպես չէ։
Կարծես հնարավոր է իրենց ստրկամտությունն ու ռուսներին մինչեւ վերջ հաճոյանալու– ծառայելու մտադրությունն ինչ-որ կերպ թաքցնել, քողարկել։
Կարծես պարզ չէ, որ մեր իշխանությունը վերջին տարիներին անթասիբ ու խոնարհ հարճի կեցվածք է որդեգրել, երբ Ռուսաստանից եկած բոլոր հրահանգները կատարում են առանց դույզն ինչ առարկության։ Առանց կամքի ու ինքնիշխանության որեւէ դրսեւորման։ Եվ ինչքան շատ են կատարում, այնքան քիչ հարգանքի են արժանանում ինչպես մեր հասարակության, այնպես էլ «տիրոջ»՝ Ռուսաստանի կողմից։
Եվ խնդիրը բոլորովին էլ մարդկային կերպարը կորցրած մարդասպանը չէ, այլ ազգային արժանապատվության, պետականության զգացումը մինչեւ վերջ ոտնակոխ չանելը, ռուսական կայսրության կցորդը չդառնալը։
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
