Ազատության հրապարակում այսօր մոմավառություն էր կազմակերպվել՝ ի հիշատակ Ավետիսյանների, որոնք սպանվել են Գյումրիում: Մարդկանց հոսքն Ազատության հրապարակ այս պահին էլ դեռ շարունակվում է:
Մոմավառության ժամանակ վիճաբանություն եղավ նախկին քաղբանտարկյալ Գոռ Սարգսյանի եւ թատերագետ, մոմավառության մասնակից Լեւոն Մութաֆյանի, մյուս մասնակիցների միջեւ:
Գոռ Սարգսյանը բարձրաձայն դիմեց հավաքվածներին՝ կոչ անելով կուսակցական, քաղաքական հայացքները մի կողմ դնել եւ լուրջ հավաք կազմակերպել՝ կենտրոնանալով այս կոնկրետ դեպքի վրա. «Սա առաջին անգամը չէ: Իրավապահ մարմինները, որոնց կարողա-ները սարսափելի վրդովմունք են առաջացնում, եթե մենք դատարանում սկսենք մեր այս միջոցառումը: Հաստատ սրա ավելիին ենք մենք արժանի: Ես, ճիշտն ասած սպասում էի ավելի մեծ մարդկանց խումբ, ավելին էի սպասում, բայց սա ուղղակի անտարբերության գագաթնակետն է, սենց բան չի կարելի անել: Եթե մենք հանգիստ լինենք, դատական պրոցեսը աբսուրդային ձեւով է վերջանալու: Ես չգիտեմ, դատ կլինի, կամ չի լինի, դա արդեն հարցի երկրորդ մասն է: Իհարկե, եթե մենք սենց հավաքվենք, այ սենց չափերով, իհարկե, կարող է չլինի»: Գոռ Սարգսյանին բարկացրել էր ֆեյսբուքյան բարձրագոչ հայտարարությունները՝ ուղղված մարդասպանին: Ըստ Գոռ Սարգսյանի, դրանք ուղղակի փուչիկներ են, եթե չեն եկել մոմավառության եւ միասնական չեն. «Բոլորս պարտավոր ենք սրանով ստեղծել ու դառնալ քաղաքացիական նախաձեռնության անդամ»:
Կարդացեք նաև
Մոմավառության մասնակիցներից ոմանք դժգոհեցին. «Ստեղ մի՛ միտինգ արեք, հա, ստեղ միտինգի չենք հավաքվել, հիշատակն ենք նշում»:
Վիճաբանության միջամտեց Լեւոն Մութաֆյանը՝ ասելով. «Տղաս, սա քաղաքական ակցիա չի, Գյումրու համար դու այսքան ոչինչ չես արել, եւ հիմա մի՛ խոսիր ու մի՛ պղծիր նրանց հիշատակը: Սա մի՛ օգտագործեք PR-ի համար»:
Ավելի ուշ Aravot.am-ի հետ զրույցում Գոռ Սարգսյանն ասաց, որ իրեն բարկացրել է մարդկանց անտարբերությունը, որ չեն եկել մոմավառության. «Որոշակի ԶԼՄ-ներ տարածում են նյութեր այդ ռուս …-ի մասին, որ ինքը միգուցե հոգեկան հիվանդ է եւ այլն: Նման բաներն արդեն տեղիք են տալիս, որ մարդիկ մտածեն՝ երեւի հոգեկան հիվանդ է եղել, դրա համար է այդ քայլին գնացել: Արդեն մեղմացուցիչ հանգամանքներ են ուզում կիրառել դատի համար: Ես լիարժեք բացառում եմ նրա հոգեկան հիվանդ լինելը: Ես եղել եմ զինվորական, ծառայել եմ բանակում: Նմանատիպ հոգեկան հիվանդները բանակում չեն ծառայում: Ասել, որ նա նոր դառավ հոգեկան հիվանդ՝ աբսուրդ է: Ես կարող եմ ասել, թե ինչի համար կարող են արած լինել սա՝ վախի մթնոլորտը մեծացնելու՝ ռուս զինվորի հանդեպ: Քանի որ ներկայիս դրությամբ ՀՀ-ում արդեն իսկ մեծ զանգված չի ուզում այս ռուսամետությունը, ուզում են որոշակի միջոցներով վախի մթնոլորտը մեծացնել: Ես համոզված եմ, ներկայումս շատ հայ երիտասարդներ զգուշություն կունենան ռուս զինվորականի հանդեպ»:
Ըստ Գոռ Սարգսյանի, անհեթեթություն է նաեւ, որ ՌԴ-ն պետք է քննի գործը մարդասպանի:
Հռիփսիմե ՋԵԲԵՋՅԱՆ
Եթե նա «հոգեկան հիվանդ»է, ինչպե՞ս են ուղարկել արտասահման ծառայելու: Ռուսական բազայում շա՞տ են իր պեսները:
Եթե նա «հոգեկան հիվանդ» է, ինչու՞ չմորթեց հենց ի՛ր ծառայակիցներին: Ով ասում է,որ սա «քաղաքական սպանություն չէ», նա բացարձակ դեմագոգ է կամ լրիվ միամիտ:
Մնացել էր թատերագետը ասի ինչ ոնց, էս երկրում քաղաքագետ չկա? Ամեն մեկը թող իր գործով զբաղվի:
Հենց էլ քաղաքական սպանություն է—-ուղղված Ռուսաստանի, հայ- ռուսական բարեկամության դեմ: Ուկրաինայից հետո, հիմա էլ Հայաստանի հերթն է: