Հունվարի 13-ին Տավուշի մարզի Ոսկեվան գյուղում կայացավ 79-ամյա Սերյոժա(Հրանտ) Սարգսյանի հուղարկավորությունը: Նա հունվարի 11-ին սահմանագոտուն հարակից հայկական տարածքում հովվություն անելու ժամանակ դարձել է ադրբեջանական դիվերսիայի զոհ:
Ոսկեվանի բնակիչները որոշ մանրամասներ հայտնեցին պատահածի մասին: Դեպքը տեղի է ունեցել ոչ թե Բաղանիս, այլ՝ Ոսկեվան գյուղի տարածքում, Հայաստան-Վրաստան միջպետական ճանապարհից մոտ 150մ վերեւ: Ս. Սարգսյանն այդ օրը որպես հերթապահ հովիվ արածեցրել է իր եւ 5 համագյուղացիների ընդհանուր թվով 40 ոչխարը: Ոսկեվանցիները պատմեցին, որ Ս. Սարգսյանի սպանությունից հետո 40 ոչխարներից 5-ն անհետացել է, դրանցից 4-ը պատկանում էին Սերյոժա Սարգսյանին,մեկը՝ Ոսկեվանի այլ բնակչի:
Ոսկան ՍԱՐԳՍՅԱՆ
