Հունվարի 15-ի կառավարության նիստին կներկայացվի որոշման նախագիծ, ըստ որի, չօգտագործվող հողատարածքներ ունեցող սահմանամերձ մի շարք գյուղերի ցանկն է հաստատվում. այս գյուղերն ազատվում են հարկերից:
Այս մասին տեղեկանում ենք կառավարության նիստի օրակարգից: Կառավարության նախագծում նշված է. «Հաստատել մարտական գործողությունների հետեւանքով չօգտագործվող հողատարածքներ ունեցող այն սահմանամերձ գյուղական համայնքների ցանկը, որտեղ իրականացվող գործունեությունը ազատվում է հարկերից»:
Հարկերից ազատված համայնքներն են` Արարատի մարզ` Երասխ, Վայոց Ձորի մարզ`Խաչիկ, Խնձորուտ, Սերս, Նոր Ազնաբերդ, Բարձրունի, Գեղարքունիքի մարզ` Վահան, Տավուշի մարզ` Ներքին Կարմիր աղբյուր, Ոսկեվան, Չորաթան, Կողբ, Վազաշեն, Բերքաբեր, Չինարի, Արծվաբերդ, Ծաղկավան, Իջեւանի շրջան` Մոսեսգեղ, Դովեղ, Պառավաքար
Բերդավան, Բարեկամավան, Կոթի, Բաղանիս, Սարիգյուղ, Այգեձոր, Կիրանց, Այգեպար, Սեւքար, Այգեհովիտ, Ոսկեպար, Վերին Կարմիր աղբյուր:
Ըստ կառավարության նախագծի, նախագծի ընդունման արդյունքում ակնկալվում է սահմանել մարտական գործողությունների հետեւանքով չօգտագործվող հողատարածքներ ունեցող այն սահմանամերձ գյուղական համայնքների ցանկը, որտեղ իրականացվող գործունեությունը ազատվում է հարկերից:
Նելլի ԲԱԲԱՅԱՆ
