Այսօր Արաբկիր եւ Քանաքեռ- Զեյթուն վարչական շրջանների ընդհանուր իրավասության դատարանում վերսկսվեց Armenia Today լրատվական կայքի համակարգող Արգիշտի Կիվիրյանի դեմ հարուցված քրեական գործի քննությունը:
Հիշեցնենք, որ քրեական գործ է հարուցվել 2013-ին Կոմիտաս 5 հասցեում տեղի ունեցած դեպքերի առիթով, գործ է հարուցվել Քրեական օրենսգրքի 316-րդ հոդվածի 1-ին մասով (իշխանության ներկայացուցչի նկատմամբ կյանքի կամ առողջության համար ոչ վտանգավոր բռնություն գործադրելը կամ բռնություն գործադրելու սպառնալիքը):
Արգիշտի Կիվիրյանի պաշտպան Լուսինե Սահակյանն ու Երվանդ Վարոսյանը դատարանից հետաքրքրվեցին իրենց միջնորդության մասին, որը դեռ նախորդ տարեվերջին էին ներկայացրել: Պաշտպանները պահանջել էին փորձարարական քննություն Կիվիրյանին բերման ենթարկած մեքենայում՝ պարզելու համար, թե որքանով է հնարավոր մեքենայի մեջ ինքնավնասում կատարել, ինչպես պնդել էր գործով տուժող ճանաչված ոստիկան Վրթանեսյանը: Հիշեցնենք, որ բերման ենթարկվելիս դեմքի տարբեր հատվածներում վնասվածքներ էր ստացել ու պնդում էր, որ այդ վնասվածքները ոստիկաններն են հասցրել: Իսկ ոստիկաններն էլ պնդում էին, որ Կիվիրյանը մեքենայի մեջ ինքնավնասմամբ է զբաղվել:
Դատարանն այսօր որոշեց բավարարել պաշտպանների միջնորդությունը եւ դատական նիստը հետաձգեց:
Կարդացեք նաև
Արփինե ՍԻՄՈՆՅԱՆ
