Այսօր «Հենարան» ակումբում «Ղարաբաղյան պատերազմի վետերանների միություն Հ/Կ անդամ ազատամարտիկների հրավիրած ասուլիսում լրագրողները նրանց խնդրեցին գնահատական տալ Գյումրիի սահմռկեցուցիչ դեպքին, երբ ենթադրյալ հանցագործ ռուս զինվորականը սպանել էր ընտանիքի 6 անդամների, այդ թվում սվին դանակով կտրատել երեխայի: Ազատամարտիկներն ասացին, որ դա հանցագործություն է. «Ցանկացած տեղ էլ հանցագործ աշխարհը կա, կուզի բանակում լինի, կուզի՝ քաղաքացիական կյանքում, կապ չունի»:
Հարցին,սա չի՞ խոսում բարձիթողի վիճակի մասին, որ ռուս զինվորականը զենքով շրջում է քաղաքում՝ ազատամարտիկները պատասխանեցին. «Զինվորական է եղել, նրանով համապատասխան մարմինները կզբաղվեն»:
ՀԿ փոխնախագահ Արագած Մկրտչյանի խոսքերով՝ «Դրա արյունը հլը պիտի մի հատ ստուգեն, տեսնեն դա ռո՞ւս է, կարող է կեղծ ռուս է»:
Ազատամարտիկ Արամայիս Քոսակյանի խոսքերով էլ՝ «Նա քրեական հանցագործ է, պետք է բռնեին վիզը կտրեին, մի տեղ պատի տակ սատկացնեին: Էս էլ սպիտակ թուրք է, շատ էլ որ ռուս է»:
Կարդացեք նաև
Հռիփսիմե ՋԵԲԵՋՅԱՆ
