Հունվարի 13-ին Ավան եւ Նոր Նորք վարչական շրջանի առաջին ատյանի դատարանում, դատավոր Արմեն Վարդապետյանի նախագահությամբ, կշարունակվի «Իրավաբանների և հոգեբանների միջազգային ասոցացիա» հասարակական կազմակերպության նախագահ Խաչատուր Մարոզյանին առաջադրված մեղադրանքով գործի քննությունը:
«Դատալեքս» տեղեկատվական համակարգում հրապարակած մեղադրական եզրակացության համառոտ բովանդակության համաձայն՝ Խաչատուր Մարոզյանին մեղադրանք է առաջադրվել այն բանի համար, որ նա «Սվետլանա Թորոսյանի խոշոր չափերով գույքը խարդախությամբ հափշտակելու նպատակով, վերջինիս իրավաբանական օգնություն ցուցաբերելու և նրա քրոջ՝ Ծովինար Սիմոնյանի վերաբերյալ ՌԴ Սուրգուտ քաղաքի դատարանի կողմից կայացված ամուսնալուծության վճռի հիմնավորումները ստանալու, դրանք բողոքարկելու պատրվակով 2013թ. մարտից մինչև մայիս ընկած ժամանակահատվածում, մաս-մաս վերցրել է խոշոր չափի ընդհանուր 1.640.000 դրամին համարժեք 4000 ԱՄՆ դոլար և չարաշահելով վերջինիս վստահությունը , ծախսել է իր անձնական կարիքների համար»:
Խաչատուր Մարոզյանի նկատմամբ խափանման միջոց է ընտրվել ստորագրությունը՝ չհեռանալու մասին: Դատաքննությունը սկսվել է անցած տարվա հոկտեմբերից:
Լուսանկարը՝ Խաչատուր Մարոզյանի ֆեյսբուքյան էջից
Կարդացեք նաև
