Թուրքիայի Ազգային հետախուզական կազմակերպության ղեկավար Հաքան Ֆիդանը Թուրքիայի դեսպանների 7-րդ կոնֆերանսի ժամանակ խոսել է Սիրիայում տիրող իրադրության, «ալ-Նուսրայի ճակատի» և «Իսլամական պետության» կողմից աճող վտանգի, Թուրքիայի վրա հարձակման վտանգի աճի մասին։
Թուրքական ձախ ազատական «Ռադիկալ» օրաթերթի կայքի հաղորդած տեղեկությունների համաձայն՝ նիստին մասնակցել է նաև Թուրքիայի ԶՈւ ԳՇ պետի առաջին տեղակալ, բանակի գեներալ Յաշար Գյուլերը։
Թուրքիայի արտգործնախարար Մևլյութ Չավուշօղլուն, ով ըստ կարգի պետք է ղեկավարեր դեսպանների ժողովը՝ Ֆիդանի և Գյուլերի ներկայության պայմաններում ժողովի անցկացումը վստահել է փոխարտգործնախարար Ֆերիդուն Սինիրլիօղլուին։
Թերթը նշում է, որ ժողովի հիմնական թեման եղել է «Իսլամական պետության» հարցը։ Ֆիդանն ընդգծել է, որ «Իսլամական պետության» դեմ պայքարում անհրաժեշտ է ավելի ընդգրկուն մարտավարություն մշակել՝ միաժամանակ նշելով, որ Սիրիայում «ալ-Նուսրայի ճակատն» ավելի վտանգավոր է, քան ԻՊ-ն։ Նա հավելել է, որ իսլամական խմբավորումների առավել արմատականացումը Թուրքիայի համար մեծ վտանգ է ներկայացնում, և վերջինս պետք է դա կանգնեցնի։
Կարդացեք նաև
Նյութի մանրամասները կարդացեք razm.info-ի կայքում
