Դորտմունդի «Բորուսիայի» գլխավոր մարզիչ Յուրգեն Կլոպն սկսել է իր թիմը նախապատրաստել ընթացիկ մրցաշրջանի երկրորդ հատվածին:
«Բորուսիան» առաջին շրջանն ավարտեց Բունդեսլիգայի վտանգավոր գոտում, բայց մարզչական շտաբը պատրաստ է շտկել իրավիճակը: «Հասկանում ենք, որ դա հեշտ չի լինելու: Բայց ինչպես ենք անելու, դա առայժմ կմնա իմ եւ ֆուտբոլիստների միջեւ: Գլխավորը, որպեսզի վնասվածքները վերջապես շրջանցեն մեզ: Օրինակ, Մխիթարյանը շուտով խաղալու պատրաստ կլինի: Նա շատ լրջորեն է նախապատրաստվում՝ հիանալի հասկանալով իր խաղի թույլ կողմերը: Մենք լավատեսորեն ենք տրամադրված եւ կաշխատենք լավ արդյունքներ ցույց տալ», – ասել է մասնագետը Bild-ին տված հարցազրույցում:
Աշոտ ՀԱԿՈԲՅԱՆ
Լուսանկարը՝ arcor.de-ի
