Ռուսաստանի նախագահ Վլադիմիր Պուտինը հրամանագիր է ստորագրել, որով սահմանում է Ռուսաստանի Զինված ուժերում օտարերկրացիների համար պայմանագրով ծառայելու կարգը, հայտնում է «Дождь» ռուսաստանյան հեռուստաընկերությունը:
Համապատասխան փաստաթուղթը պաշտոնապես հրապարակվել է հունվարի 2-ին: Հրամանագրի տեքստում ասվում է, որ զինծառայողները, որոնք այլ երկրների քաղաքացիներ են` «ռազմական դրության պայմաններում մասնակցություն են ունենում հանձնարարությունների կատարմանը նաեւ զինված հակամարտություններում` միջազգային իրավունքի նորմերին, համընդհանուր սկզբունքներին եւ ՌԴ-ի միջազգային պայմանագրերին ու ՌԴ օրենսդրությանը համապատասխան»:
Կարդացեք նաև
Փաստաթղթում նաեւ սահմանվել է, որ օտարերկրյա քաղաքացիները, որոնց նկատմամբ քննություն է ընթանում, կամ դատարանի վճիռ կա, կամ անազատության մեջ են գտնվում, նրանք չեն կարող ծառայել ռուսական բանակում:
Պատրաստեց` Էմմա ԳԱԲՐԻԵԼՅԱՆԸ
