Առանց մոր հսկողության մնացած երեքամյա փոքրիկը դուրս է եկել սեփական տան պատշգամբ, իսկ փողոցում այդ ժամանակ -45 էր:
Հունվարի 1-ին Կրասնոյարսկի Տուրա ավանի հիվանդանոցում մահացել է երեքամյա տղա՝ սառցահարման նշաններով:
«Արգումենտի եւ ֆակտի»-ի Կրասնոյարսկի հավելվածի համաձայն՝ տղան ապրել է սեփական տանը 77-ամյա կնոջ եւ նրա 21-ամյա ազգականի՝ երեխայի մոր հետ: Ամանորի գիշերը մայրը որդուն պառկեցրել է քնելու, իսկ ինքը հյուր է գնացել: Տանը մնացել է տարեց կինը, որը ողջ գիշեր խորը քնած է եղել:
Հունվարի մեկի առավոտյան նրանց հյուր է եկել երիտասարդ աղջիկ, որը եւ պատշգամբում հայտնաբերել է սառած երեխային: Շտապ օգնություն են կանչել, երեխային փորձել են վերակենդանացնել, սակայն նա մահացել է հիվանդանոցում:
Պատշգամբում ջերմաստիճանը եղել է, ինչպես եւ փողոցում՝ -45: Հավանական է, որ երեխան ինքնուրույն է դուրս եկել պատշգամբ, քանի որ մուտքի դուռը կողպված չի եղել:
