Ռուսաստանի Դաշնության նախագահ Վլադիմիր Պուտինը շնորհավորել է համաշխարհային լիդերներին եւ միջազգային կազմակերպությունների ղեկավարներին Սուրբ ծննդի եւ Ամանորի առիթներով: Գրում է rg.ru-ն:
Պուտինը հիշեցրել է հաջողությամբ պսակված համագործակցությունների մասին եւ հույս հայտնել, որ ապագայում եւս կլինեն արդյունավետ համագործակցություններ:
Վլադիմիր Պուտինը հույս ունի, որ փոխշահավետ համագործակցություն կլինի Ավստրիայի հետ՝ բոլոր ուղղություններով:
Ռուսաստանի նախագահը հավատում է, որ դրական հարաբերություններ կզարգանան Մեծ Բրիտանիայի հետ: Այդ մասին նա հայտնել է իր շնորհավորական ուղերձում վարչապետ Դեվիդ Քեմերոնին եւ թագուհի Ելիզավետա 2-րդին: Ուղերձում Գերմանիայի կանցլեր Անգելա Մերկելին Պուտինը կոչ է արել շարունակել կառուցողական երկխոսությունը երկու երկրների միջեւ:
Կարդացեք նաև
ԱՄՆ-ի նախագահ Բարաք Օբամային ուղղված խոսքում Պուտինը հիշեցրել է 70-ամյա հաղթանակի մասին, երբ «մեջք մեջքի» տված երկու երկրները պայքարել են հակահիտլերյան կոալիցիայում: ՌԴ նախագահը նշել է, որ Ռուսաստանը եւ ԱՄՆ պատասխանատվություն են կրում աշխարհի խաղաղության համար: Պուտինը կարծում է, որ ռուս-ամերիկյան համագործակցությունը կարող էր զարգանալ՝ իրավահավասարության եւ միմյանց նկատմամբ հարգանքի դրսեւորման սկզբունքների վրա:
