Սիրելի Հայրենակիցներ
Եվրոպայի Հայկական Միությունների Ֆորումի և անձամբ իմ անունից ցանկանում եմ ուղղել ողջույնի և շնորհավորանքների մեր խոսքը մոտեցող Նոր Տարվա կապակցությամբ:
Անցնող տարին մեր ազգի համար դարձավ ևս մի ծանր փորձությունների տարի և չնայած մեր տքնաջան աշխատանքներին, չտվեց այն արդյունքերն, ինչ երազում եինք ունենալ:
ԵՀՄՖ-ը մեկ տարի առաջ երկրի տնտեսությունը տնտեսության համատարած փլուզումից և արտաքին քաղաքականությունն անհետևողական զարգացումներից փրկելու համար նախատեսեց արագ իշխանափոխություն, սակայն, այնուամենայնիվ նրա իրականացումը մնաց որպես ծանր բեռ հաջորդ`2015 թվականին վրա:
Կարդացեք նաև
Սրան զուգահեռ մենք բոլորոս քրտնաջան աշխատեցինք նաև Հայոց Ցեղասպանության հարյուրամյակին ընդառաջ և կազմեցինք աշխատանքային ծրագիր, ըստ որի պայքարելու ենք ողջ աշխարհով Հայ Դատի պահանջատիրության խնդիրների լուծման համար:
Ինչպես հայտնել ենք, Եվրոպահայերի Ֆորումը 2015 թվականը հայտարարեց, որպես վերոհիշյալ պայքարի սկիզբ, նախատեսելով հասնելու ցանկալի արդյունքի մոտակա տարիների ընթացքում: ԵՀՄՖ-ը նաև ակտիվ աշխատելով Հայաստանի արդյունաբերության վերականգման ներդրումային ծրագրերի վրա, շարունակում է հավաքագրել ներդրող գործարարներին և ակտիվ ու լուրջ արդյունքներ ցուցաբերած երիտասարդ արհեստավարժ կադրեին՝ իր հովանու տակ, իշխանափոխության առաջին հենց օրերից Հայաստան վերադառնալու և կարճ ժամանակամիջոցում երկրի տնտեսությունը վերածնելու նպատակով: Ֆորումի տանիքի տակ ձևավորվում է այդ մասնագետների բանակը. արտերկրում կրթված ու աշխատանքային հսկա փորձ ձեռք բերած մասնագետների հետ ենք կապում մենք Հայաստանի ներդրումային դաշտի թռիչքաձև զարգացման ապահովումը:
Սիրելի Տիկնայք և հարգելի պարոնայք, ցավոք պետք է հաստատեմ այն փաստը, որը հայտնի է բոլորիս. ՀՀ կառավարությունը և նախագահը, չնայած բազմաթիվ խոստումներին, անկարող եղան անցնող տարվա ընթացքում Հայաստանը վերածել հույսի և ապագա ունեցող երկրի: Ցավոք, գոնե տեսանելի ապագայում Հայաստանի տնտեսությունը չունի եվրոպական մակարդակին քիչ թե շատ մոտենալու նախանշաններ և այդ հույսերը դառնում են պատրանքներ:
Պակաս ցավալի չեն ՀՀ ԱԳ նախարարի ղեկավարած կառույցի ազգակործան գործունեության արդյունքները, որը մեր երկիրը կանգնեցրել է փակուղու առաջ: Ահա նման իրավիճակում մենք սկսում ենք նոր տարին, սակայն հույսով ու հավատով, որ այս տարում կարողանալու ենք կասեցնել ազգակործան գործընթացները՝ հասնելով իշխանափոխության, կազմելով նոր` արհեստավարժ մասնագետներից բաղկացած կառավարություն և դուրս ենք գալու այս արհավիրքից ու մղձավանջից, որին մեր աշխատասեր ու տաղանդավոր ժողովուրդը բոլորովին արժանաի չէ: Եթե մենք կարողանում ենյք օտար երկրներում բարձր պահել Հայի անունը և հասնել անհավատալի բարձր արդյունքների` զարմացնելով մեր արտասահմանցի գործընկերներին, ապա վստահորեն կարող ենք ասել, որ առավել ևս արդյունավետ ու արհեստավարժ կկարողանանք հանել Հայաստանն այս ծանրագույն վիճակից:
Թույլ տվեք այս հավատով էլ սկսենք մեր Նոր Տարվա տարեմուտը, ցականալ մեր ժողովրդին ամենայն բարիք, խաղաղ կյանք և բարեկեցիկ ապագա: Թող եկող տարին դառնա մեծ փոփոխությունների տարի և մեր երկրին բերի իսկապես երջանիկ ապագա ապահովող իշխանություն:
Շնորհավոր ողջ աշխարհասփյուռ Հայ Ժողովրդի Նոր Տարին. Թող այն ապահովի բերկրանք, առողջություն և երջանկություն մեր ազգին:
ԵՀՄՖ նախագահ
Դոկ. Աշոտ Գրիգորյան
