Թևերս պարզել, ուզում եմ գրկել ես ողջ աշխարհը,
Տանել իմ հոգում աշխարհի բոլոր տառապանքները,
Փշերից մաքրել աշխարհի բոլոր քառուղիները,
Որպեսզի սիրուս աչքերից երբեք արցունք չկաթի:
Կարդացեք նաև
Ուզում եմ, ուզում ամբողջ աշխարհը գրկիս մեջ առնել,
Եվ անջրպետել ոռնացող քամուն նրա մերկ մեջքից,
Թեկուզ ձեռքերս կրակահարվեն ծագող արևից,
Միայն, թե սերս ինձ դիմավորի մանկան ժպիտով:
Թե, կարողանամ, ես կպատնեշեմ արգանդն աշխարհի,
Որպեսզի խեղդվեն բոլոր պիղծ մարդիկ նրա արգանդում,
Ելքի իրավունք կստանան միայն արժանի մարդիկ,
Որպեսզի սերս երբեք չնայի որբի հայացքով:
Կյանքը կմարի, եթե բնությունն ունակ չլինի,
Մայր հողը փրկել պիղծ ու շնացող կերպարանքներից,
Եվ ամենազոր արեգակն անգամ ունակ չի լինի,
Ջերմություն, լույս տալ սրբությամբ օծված նորածիններին:
Անանիա ՄԱՂԱՔՅԱՆ
