Նրանցից ոչ ոք աճուրդին ներկա չի եղել
Թեքեյան կենտրոնում այսօր՝ դեկտեմբերի 27-ին, «Իրավունք եւ աջակցություն» հիմնադրամի կազմակերպած աճուրդի ընթացքում 21 նկարներից վաճառվել է միայն 5-ը:
«Իրավունք եւ աջակցություն» հիմնադրամի անդամ Կարո Եղնուկյանը Aravot.am-ին հայտնեց, որ բոլոր հինգ գործերը գնել են արտերկրում բնակվող հայերը: Նշենք, որ նրանցից ոչ ոք ներկա չի եղել աճուրդին եւ գործերը գնել են համացանցի միջոցով. «Ներկաներից ոչ մի առաջարկություն չեղավ: Հայաստանում այդպիսի սովորույթ դեռ չկա, երեւի ժամանակ է պետք, որ մարդիկ ընկալեն այս գործելաոճը: Աճուրդի գաղափարը Հայաստանում դեռ զարգացած չէ»:
Հարցին, թե ինչքա՞ն գումար է հավաքվել, Կարո Եղնուկյանը դժվարացավ պատասխանել՝ նշելով, որ բացի աճուրդից մարդիկ նվիրատվություններ են արել եւ պետք է դեռ հաշվել հավաքված գումարը. «Հուսով եմ մինչեւ հունվարի 1-ը հաշվետվություն կանենք, կտեսնենք, թե ինչքան է հավաքվել եւ համապատասխան գումարը կտրամադրենք ընտանիքներին, ինչպես անցյալում ենք արել: Մենք հիմա որոշ գումար կտրամադրենք քաղբանտարկյալների ընտանիքներին, եթե տակը բան մնաց, մնացածը կօգտագործվի քաղբանտարկյալների համար տարբեր նպատակներով»:
Կարդացեք նաև
Ամի ՉԻՉԱԿՅԱՆ
