«Ազատություն» ռադիոկայանի ղեկավար Նենադ Պեժիչը դատապարտել է Ադրբեջանի իշխանություններին ռադիոկայանի Բաքվի գրասենյակը խուզարկելու համար՝ անվանելով այն «Ադրբեջանի իշխանությունների վրեժ», փոխանցում է «Կոնտակտ»-ը:
«Ազատություն» ռադիոկայանի Բաքվի բյուրոյի վրա հարձակումը Ադրբեջանի ստանձնած միջազգային պարտավորությունների կոպիտ խախտում է: Երկրի ղեկավարների հրամանով կատարված այս քայլը մասն է ավազակային գործողությունների, որն արվում է «Ազատության»-ը լռեցնելու համար, փորձում են վրեժ լուծել ռադիոյից անկախ լրագրության համար», – ասել է Պեժիչը՝ հիշեցնելով, որ մեկ անգամ չէ, որ Ադրբեջանի իշխանությունները փորձել են լռեցնել իրենց. – «Սակայն «Ազատություն» ռադիոկայանը, որը ստեղծված է Ադրբեջանի ժողովրդի տեղեկատվություն ստանալու իրավունքն ապահովելու համար, երբեք չի դադարել իր գործունեությունը և շարունակելու է աշխատել, որպեսզի ապահովի Ադրբեջանի ժողովրդի մուտքը՝ ազատ տեղեկատվական դաշտ»:
Այսօր առավոտյան Ադրբեջանի գլխավոր դատախազության աշխատակիցները ներխուժել են «Ազատություն» ռադիոկայանի Բաքվի գրասենյակ՝ իրենց գործողությունները հիմնավորելով որպես քրեական գործի հետաքննության իրականացում: Հետախուզության ընթացքում կոտրել են չհրկիզվող պահարանը, առգրավվել են փաստաթղթեր, ռադիոյին պատկանող սարքավորումներ՝ համակարգիչներ, տեսախցիկներ, ֆոտոխցիկներ հիշողության սարքեր, ինչպես նաև ընկերության կնիքը:
Խուզարկությունից հետո դատախազության աշխատակիցները կապարակնքել են գրասենյակը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
