Տնտեսական վիճակը, դրամի արժեզրկումը հանգեցրել են համընդհանուր գնաճի։ «Չորրորդ իշխանությունը» հայտնի երգչուհի Ալլա Լեւոնյանից հետաքրքրվեց, թե հաշվի առնելով ֆինանսական ներկայիս իրավիճակը՝ արդյոք հայ երգիչները պատրաստվո՞ւմ են բարձրացնել համերգների տոմսերի կամ էլ կորպորատիվ միջոցառումներին երգելու արժեքները։
«Ո՛չ, էլ ո՞ւր բարձրացնենք, ո՞նց կկարողանան մարդիկ գալ համերգին, ընդհակառակը, կարծում եմ՝ կամ պետք է պահպանել, կամ գոնե մի քիչ իջեցնել, որպեսզի մարդկանց մատչելի լինի»,- նկատեց երգչուհին՝ շեշտելով, որ վերջին շրջանում իջել է նաեւ հայկական էստրադայի պահանջարկը։ Ըստ Ալլա Լեւոնյանի՝ պահանջարկի նվազումը պայմանավորված է հենց բարձր գների առկայությամբ։ Պատասխանելով հարցին, թե կարո՞ղ է պահանջարկի նվազումը պայմանավորված լինել նրանով, որ հայաստանյան հանդիսատեսը սկսել է չլսել հայ էստրադային երգիչներին՝ Լեւոնյանն արձագանքեց. «Լավ կլիներ, եթե մեր հանդիսատեսը որոշի լսել ավելի որակյալ երաժշտություն»:
Լիլիթ ԼԱԼԱՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
