ՀԿԿ ԳՄ նիստից հետո կուսակցության խոսնակ Էդուարդ Շարմազանովը ամփոփեց 2014 թվականը:
Այն իրադարձություններով լի ու դժվար տարի էր: Նրա խոսքով, այս տարվա ընթացքում ունեցանք թե նվաճումներ, թե թերություններ նաեւ կորուստներ:
Էդուարդ Շարմազանովը համոզված է, որ ՀՀԿ-ն 2014 թվականը ավարտում է որպես ամենաառաջատար քաղաքական ուժ, ամենածանրակշիռ ուժ. «Դա է ցույց տալիս թե Աժ-ում մեր աշխատանքները, թե ՏԻՄ ընտրությունները, մոտ 123 համայնքից 85-ում հաղթեցին ՀՀԿ-ականները»:
Անդրադառնալով ներքաղաքական ու արտաքին քաղաքական խնդիրներին՝ ասաց Արցախի ու Հայաստանի անվտանգության ապահովումը շարունակում է գերխնդիր մնալ. «Այդ առաջնահերթությունները այս տարի չփոխվեցին: Հունվարյան ու օգոստոսյան դեպքերը ցույց տվեցին, որ գործ ունենք մի հարեւանի հետ, որը առաջնորդվում է միջնադարյան եւ ոչ թե ժողովրդավարական արժեքներով:
Կարդացեք նաև
Թիվ մեծ ձեռքբերումը օգոստոսյան դեպքերի ժամանակ քաղաքական ուժերի ու համաժողովրդական կոնսոլիդացման էր: Միակ կորուստը մեր տղաների կյանքն էր»:
Հարցին, թե ամփոփելով կառավարության աշխատանքը, ՀՀԿ-ն ինչ թերություններ է արձանագրել, ասաց՝ մի քանի ամիս առաջ է կառավարությունը ձեւավորվել ու պետք է գործի ծրագրի շրջանակներում, պետք է գործի բյուջեի շրջանակներում. «Բացթողումները բոլորիս թերությունն է եւ այն է, որ Հայաստանում դեռ կան գործազուրկներ, կա արտագաղթի միտումներ, աղքատություն»:
Բայց նա դժգոհեց, որ այդ թերությունների վերացման ուղղությամբ բացի մի քանի պատգամավորներից, ընդդիմադիր գործիչների մեծամասնությունը ոչինչ չարեց. «Առարկայական առաջարկություններ չեմ լսել:
Դրականն ավելի շատ է, այս կառավարությունը մի շարք հարցերում հաջողեց, բարեփոխումներից կարեւորը կենսաթոշակային կուտակային բարեփոխումն էր, լսեցին ու բավարարեցին միտինգ անող երիտասարդների պահանջները»:
Արփինե ՍԻՄՈՆՅԱՆ
Պարոն Շահնազարովը երևի մոռացել է որ ՍՄԿԿ-ն նույնպես ամենաառաջատար և ամենածանրակշիռ քաղաքական ուժն էր։ ՍՄԿԿ-ն նույնպես ընտրություններում հաղթում միլիոն ընտրատարածքներից միլիոնում։ Եզրակացությունը թողնում եմ իրեն անելու։
ՀՀԿ-ի ամենագետը նախ պնդում է, թե ունեն նվաճումներ, ապա սկսում է թվարկել ՛՛հաջողությունները՛՛.
1.ՀՀԿ-ն ընտրություններում հաղթեց /այսինքն՝ հայ ժողովրդին/
2.Օգոստոսյան դեպքերի ընթացքում ընդդիմությունը հայտարարեց, որ պատերազմի դեպքում կօժանդակի նույնիսկ այսպիսի իշխանություններին / ????? /
3.Կառավարությունը դեռ մի քանի ամիս առաջ է ձևավորվել / այ քեզ նվաճում /
4.Կենսաթոշակային կուտակային ՛՛բարեփոխումներն՛՛ ըմբոստ ցույցերի արդյունքում 3 տարով հետաձգվեցին / էս մեկը լրիվ ֆանտաստիկայի ոլորտից է /
5. … ու՝ վերջ:
Բա անհարմար չեք զգո՞ւմ, գոնե ձեր շեֆից օրինակ վերցրեք՝ тише воды, ниже травы