ՀՀԿ-ական պատգամավոր Սամվել Նիկոյանը հիշեցրեց հերթական ընտրությունների ապահով ճանապարհը։ ԱԱԾ պետ Գորիկ Հակոբյանի ոճով էլ նախազգուշացրեց, որ իշխանության դեմ «անօրինական գործողությունները» պատժվելու են օրենքով սահմանված կարգով։ «Յուրաքանչյուր քաղաքական ուժ ինքն է որոշում իր քաղաքականությունը, ինքը շատ լավ գիտի՝ երբ սկսեց ու ինչի համար։ Նորմալ եմ վերաբերվում ընդդիմադիրների այն գործողություններին, որոնք օրենքի շրջանակում են։ Կարող են միտինգներ, ժողովներ անել, շատ նորմալ եմ վերաբերվում։ Եթե դա չանի, բա ինչո՞վ զբաղվի»։
«Բայց եթե որեւէ մեկն ինչ-որ «արտահերթ» բառ է ասում, «ճնշում» է ասում, «իշխանափոխություն», արդեն ստեղ կա ոչ դրական ճանապարհ, կա անելիք պատասխանատու մարմինների կողմից։ Սա իշխանությունների պարտականությունն է, ամբողջ աշխարհում է այդպես»։
Հնարավո՞ր է, որ այս սպառնալից նախազգուշացումները բխում են գարնանն սպասվող քաղաքական զարգացումներից՝ օրինակ, արտահերթ ընտրությունների պահանջով։ Հատկապես, որ փետրվար-մարտ ամիսներին սահմանադրական փոփոխությունների վերջնական որոշումն է կայացվելու։ «Սահմանադրական փոփոխությունների վերաբերյալ արդեն կա երկու քաղաքական ուժի՝ ՀՀԿ-ի եւ ՀՅԴ-ի համաձայնություն։ Իսկ իրենց մոտ պահանջներն ընտրություններից հետո սկսվում են մինչեւ հերթական ընտրություններ, իմ գնահատականը հետեւյալն է՝ նրանք նախապատրաստվում են հերթական ընտրությունների»։
Գայանե ՍԱՐԻԲԵԿՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
