Արտարժութային շուկայի ուժեղ ցնցումներ տարվա ընթացքում, գուցե, մեկ-երկու անգամ են արձանագրվում: Այս վերջին աննախադեպ ցնցմանը պատկան մարմինները միջամտեցին մի քանի օր ուշացումով: Նրանք «օպերատիվ» շրջայցեր կատարելուց հետո կարողացան որոշ չափով կայունացնել դրամը:
Սակայն այսպիսի պատկերի, որն «Առավոտի» ֆոտոխցիկն արձանագրել է օրերս գումի շուկայի անմիջական հարեւանությամբ, ամեն օր ենք ականատես լինում: Հետաքրքիր է, որ քաղաքային, համայնքային իշխանությունները, առողջապահության, գյուղատնտեսության նախարարությունները այսպիսի հակահիգիենիկ երեւույթները չեն նկատում: Կամ՝ գուցե սպասում են, որ համաճարակային ցնցումներ լինեն, հետո միայն անցնեն իրենց պարտականությունների կատարմանը:
Լուսանկարը՝ ԱՇՈՏ ՀԱԿՈԲՅԱՆԻ
«Առավոտ» օրաթերթ
24.12.2014
