Հայաստանում իրավունքների խախտման հիմնական պատճառները որո՞նք են հարցին՝ 1300 հարցված քաղաքացիների 56 տոկոսը օրենքները չգործելու հանգամանքով է պայմանավորել: Այս հարցումների նախաձեռնությունը Հասարակական հետազոտությունների առաջատար խմբինն է:
Հարցվածներից հետաքրքրվել են նաեւ դատական համակարգի անկախության մասին, հարցվածների 5 տոկոսը պնդել է, որ անկախությունն այդ համակարգում բացակայում է, կանանց եւ տղամարդկանց իրավահավասարության մասին էլ հարցվածների 49 տոկոսը նշել է, որ տղամարդիկ ավելի շատ իրավունքներ ունեն:
Խմբի փորձագետ Հերիքնազ Տիգրանյանը այսօր Մեդիա կենտրոնում ասաց, որ ազգային փոքրամասնությունների մասին հարցման ժամանակ քաղաքացիները պատասխանել են, որ նրանց պետք է ավելի շատ իրավունքներ տալ, կրոնական փոքրամասնությունների դեպքում 27 տոկոսը պատասխանել է՝ ոչինչ պետք չէ փոխել, իսկ սեռական փոքրամասնությունների դեպքում խումբը անհանդուրժողականություն է արձանագրել: Հարցեր են եղել նաեւ սահմանադրական բարեփոխումների վերաբերյալ, հարցվածների 61,1% կարծում է, որ սահմանադրական բարեփոխումները ժամանակավրեպ են, դրանց կարիքը չկա, իսկ հանրաքվեն անցնելու է անվստահելի մթնոլորտում:
Հարցվածների 33,9%-ը կարծում է, որ Հայաստանի զարգացումը հիմնականում սխալ է ընթանում, իսկ 49.5%-ը նշել է՝ միանգամայն սխալ պատասխանը:
Կարդացեք նաև
Արփինե ՍԻՄՈՆՅԱՆ
