Ռուսական ռուբլու արժեզրկման հետևանքով բարձրացել են բանկերին այն անձանց մուծումների ծավալները, ովքեր արտասահմանյան տարադրամով են պարտք վերցրել այդ բանկերից։ Վերլուծաբանների կարծիքով, նավթի միջազգային գների անկման և Արևմուտքի կողմից իրականացվող պատժամիջոցների արդյունքում Ռուսաստանը տնտեսական հապաղման փուլ մուտք կգործի եկող տարի։
Ռուբլու արագ արժեզրկումը մեծապես վնասել է Ռուսաստանի ժողովրդի հատկապես այն հատվածին, որը գործարքներ ունի արտասահմանյան բանկերի հետ։
Ռուսաստանի ֆինանսների նախկին նախարար Ալեքսեյ Կուդրինն այս առումով հույսեր չի տալիս։ Նա հիշեցնում է, որ 2000 թվականից ի վեր, երբ հաստատվեց Վլադիմիր Պուտինի ու Դմիտրի Մեդվեդևի վարչակարգը, եկող տարի առաջին անգամ ռուսաստանցիների միջին եկամուտը կնվազի։
Նրա խոսքերով, 2015 թվականին 4Օ տոկոսով կնվազեն նաև ներկրումների ծավալները՝ մեծապես ազդելով շինարարության ու ներդրումների վրա։ Իսկ Ուկրաինայի հակամարտության խորացմանը զուգընթաց ավելի կսաստկանան Ռուսաստանի նկատմամբ տնտեսական պատժամիջոցները, և Մոսկվան այլևս ի վիճակի չի լինի կանխել տնտեսական հապաղումը։
Կարդացեք նաև
Ֆինանսական ներկայիս դժվարությունների համար Ռուսաստանի իշխանություններն այսօր մեղադրում են Արևմուտքին։ Սակայն, վերլուծաբանների խոսքերով, Ռուսաստանի տնտեսությունը մեծ դժվարությունների միջով է անցնելու եկող երեք տարիների ընթացքում, եթե նույնիսկ Արևմուտքն այսօր հրաժարվի պատժամիջոցներից։
Արամ ՎԱՆԵՑՅԱՆ
Հոդվածն ամբողջությամբ՝ «Ամերիկայի Ձայն»ռադիոկայանի կայքէջում
