«Ես իրապես չեմ մասնակցել ոչ Ավարայրի ճակատամարտին, ոչ Սարդարապատի կամ այլ ճակատամարտերի։ Հավատացեք՝ փաստաթղթեր ունեմ այդ ուղղությամբ», հայտարարել է քաղաքաշինության նախարար Նարեկ Սարգսյանը՝ փորձելով պատասխանել այն հարցին, թե ինչո՞ւ Երեւանում 100 տարուց ավելի հին շենքեր գրեթե չկան։
«ՉԻ»– Լավ է, իհարկե, որ Նարեկ Սարգսյանի հումորը տեղն է (ափսոս միայն, որ հաճախ այն դրսեւորվում է նաեւ Երեւանի կենտրոնի կառուցապատման ծրագրերում): Է՛լ ավելի լավ է, որ նա չի մասնակցել Ավարայրի եւ Սարդարապատի ճակատամարտերին։ Թե չէ Սարդարապատ գյուղն անմիջապես «հանրային գերակա շահ» կհռչակեր ու կտարհաներ բնակչությանը՝ զորքի հետ միասին։ Իսկ Ավարայրի դաշտի մասին ընդհանրապես չենք խոսում. պատկերացնո՞ւմ եք՝ ութսուն հազար պարսիկ, եւ ոչ մի հյուրանոց։ Չհաշված ստորգետնյա կայանատեղերը՝ փղերի համար։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
