Երեկ Մոսկվայում տեղի ունեցած Եվրասիական տնտեսական միության գագաթնաժողովում Հայաստանն, ըստ էության, ավարտել է իր անդամակցության գործընթացը և դարձել ԵՏՄ-ի անդամ:
Երեկ գրեթե միաժամանակ Հայաստանի էկոնոմիկայի փոխնախարար Գագիկ Մելքոնյանը «Ազատություն» ռադիոկայանին հայտնել է, որ Հայաստանը բանակցություն է սկսում Եվրամիության հետ նոր համաձայնագրի շուրջ, որը կներառի այն ամենը, ինչը հնարավոր է ԵՏՄ-ի անդամակցության պարագայում և չի սահմանափակվում այդ կազմակերպության կանոններով: Նոր համաձայնագիրը, ըստ փոխնախարարի, ներառելու է նախկինի տնտեսական այն դրույթները, որոնք չեն հակասում ԵՏՄ-ին, իսկ դրան զուգահեռ էլ` բանակցվելու է համաձայնագրի քաղաքական մասը: Փոխնախարարը հայտարարել է, որ համաձայնագիրը մոտ ապագայում կստորագրվի:
Սեպտեմբերի 3-ից հետո Հայաստանի և Եվրամիության պաշտոնյաներն անդրադառնում էին նոր համաձայնագրի խնդրին: Հայաստանը Եվրամիությանը կոչ էր անում ստորագրել համաձայնագրի քաղաքական մասն առանձին, ինչը Բրյուսելը մերժում էր` ասելով, որ համաձայնագիրը փաթեթ է և չի կարող տնտեսականը տարանջատվել քաղաքականից: Նման բացառություն եղավ Ուկրաինայի համար, այն էլ` համոզվածության պարագայում, որ տնտեսական մասը ևս ստորագրվելու է, պարզապես կային որոշակի խնդիրներ նոր կառավարության կազմավորման հետ կապված: Եվրամիությունն այս ընթացքում Հայաստանից սպասում էր նոր համաձայնագրի վերաբերյալ պատկերացումներ:
Կարդացեք նաև
Մուսա Միքայելյան
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
Տնտեսական-ճերմակ դրոշ
Քաղաքական-Կրակե շապիկ,
Ինչ փրկողակ,
Զսպաշապիկ…
Լեթարգիան քուն,
Սառցասեղներ հատիկ հատիկ,
Ու կործանում
Սերմահատիկ:
Սպիտակ դրոշ,
Բարձաճերմակ…
Էլ բան չկա մոխիրի տակ: