Ազատամարտիկ Ռազմիկ Պետրոսյանը անտրամաբանական է համարում ազատամարտիկների հասցեին ուղղված քննադատությունը, թե իրենք ինչ գործ ունեն քաղաքականության հետ:
«Եթե քաղաքացին սահմանադրորեն կարողանա ծառայել հայրենիքին, պետք է քաղաքականությամբ զբաղվի, մենք՝ ազատամարտիկներս, նույն քաղաքացին ենք մի տարբերությամբ, որ դոնորն ենք դարձել մեր երկրի 1988–ի պատերազմի ժամանակ, մեր ընկերների կյանքով ու կես մարդ դառնալու արդյունքով կարողացել ենք հաղթանակ պարգեւել մեր ազգին: ժամանակի ընթացքում ականատես եղանք՝ երկիրը շեղվել է իր կուրսից, իշխանությունները դադարել են ազգին ծառայել: Այս իրավիճակում, ի՞նչ անենք, անտարբեր նայենք, թե մեր երկրի, երեխաների ճակատագրի հետ ինչ են անում»,- ասաց ազատամարտիկը:
Նրա համոզմամբ, վերջին շրջանի բռնությունները ապացույց են, որ ազատամարտիկների Դաշինքի անդամները ճիշտ ճանապարհին են. «Հակառակ դեպքում որեւէ քայլ մեր դեմ չէին անելու, ինչով ենք ճիշտ ճանապարհի վրա, այսօրվա դժվարություններից դուրս գալու միակ ճանապարհը իշխանափոխությունն է, ու մենք քաղաքական ուժերի հետ համագործակցելու տիրույթում քաղաքական դաշտում ծանրություն վերցրինք մեզ վրա՝ հայտարարելով, որ կամուրջի դեր պետք է խաղանք համաժողովրդական շարժման մեջ»:
Հետո ասաց, որ իշխանությունները ցայտնոտի մեջ են, սկսել են առանձին-առանձին ահաբեկել, դատել, բայց. «Եթե փորձենք ազատամարտիկներով իշխանություններին օգնել, որ մնան, չեն կարող մնալ, ամբողջ ազգը հասկացել է, որ այս իշխանությամբ շարունակել, նշանակում է կործանել: Չի կարելի մի քանի իշխանավորի հարստանալու համար, մի ամբողջ ազգ հարմարվող դառնա»:
Կարդացեք նաև
Արփինե ՍԻՄՈՆՅԱՆ
