Հայաստանում կրծքով սնուցումը կարող է տարեկան առնվազն 60 երեխայի կյանք փրկել:
Դեկտեմբերի 23-ին ԿԱՌԼԼԵՎՈՆԻ պատկերասրահում բացվեց «Ես սիրում եմ մայրիկիս կաթիկը» կրծքով կերակրման թեմայով լուսանկարների առաջին ցուցահանդեսը Հայաստանում: Միջոցառման կազմակերպիչներն են Հայաստանի Հանրային հեռուստաընկերությունը, «Մայրիկների ակումբ» հաղորդումը և ՄԱԿ-ի մանկական հիմնադրամը:
Ցուցահանդեսը մեկնարկեց մամուլի ասուլիսով: Բանախոսներն էին ՅՈՒՆԻՍԵՖ-ի հայաստանյան գրասենյակի ներկայացուցիչ Հենրիետ Արենսը, միջոցառման նախաձեռնող և հաղորդավար Մերի Ներսիսյանը և երգչուհի, ՅՈՒՆԻՍԵՖԻ-ի բարի կամքի դեսպան Ալլա Լևոնյանը:
Հենրիետ Արենսն իր խոսքում կարևորեց նմանատիպ միջոցառումը. «Վիճակագրության համաձայն`ՀՀ-ում երեխայի կյանքի առաջին վեց ամիսների ընթացքում մայրական կաթով կերակրվում է երեխաների միայն 35 տոկոսը, սա մտահոգիչ ցուցանիշ է: Բացառապես կրծքով կերակրումը պետք է սկսվի երեխայի ծննդյան առաջին իսկ ժամից և տևի նվազագույնը 6 ամիս»:
Կարդացեք նաև
Երեք երեխաների մայր, երգչուհի Ալլա Լևոնյանը հավելեց. «Երեխային կրծքով կերակրելուց հրաժարվելիս կանայք բնությանը դեմ են դուրս գալիս: Քաղաքական կամ հասարակական գործիչ լինելուց առաջ կինը պետք է մայր լինի»:
Ցուցահանդեսը մեկնարկեց երգչուհի Աննա Մայիլյանի կենդանի կատարումով:
«Ես սիրում եմ մայրիկիս կաթիկը» խորագիրը կրող ցուցահանդեսին ներկայացված էին թեմային առնչվող 40 լուսանկար: Ցուցահանդեսի համար աշխատել են 4 լուսանկարիչներ` Մխիթարյանը, Եվգենյա Էվոյանը, Արև Գրիգորյանը, Անի Կիրակոսյանը: Լուսանկարներն ունեին կից ուղերձներ`սեղմ տեղեկություններ կրծքով կերակրման առաձնահատկությունների մասին:
Ցուցասրահում ներկայացված էր նաև հայտնի լուսանկարիչ Գաբրիել Խանոյանի արխիվային մի լուսանկար` կրծքով կերակրման թեմայով, որն արվել էր 1927թ-ին:
Միջոցառման ընթացքում ամփոփվեց նաև ֆեյսբուքյան մրցույթի արդյունքները: Բոլոր այն մայրիկներն, ովքեր հնարավորություն չէին ունեցել մասնակցելու ցուցահանդեսի լուսանկարահանումներին, իրենց կրծքով կերակրման լուսանկարները ուղարկել էին Մայրիկների ակումբի ֆեյսբուքյան էջին: Միջոցառման ընթացքում հնչեց հաղթող լուսանկարի հեղինակի անունը` Օֆելյա Մակարյան, ում բալիկը ընդամենը 14 օրական էր:
Գարնանը ցուցահանդեսը նախատեսվում է ներկայացնել նաև Հայաստանի բոլոր մարզերում և Լեռնային Ղարաբաղի հանրապետությունում:
ՄԱԿ-ի մանկական հիմնադրամի հայաստանյան գրասենյակ
երգչուհի Աննա Մայիլյան — նւին ինքը Աննա Լեվօնըան