Ռուսաստանի նախագահ Վլադիմիր Պուտինը Հավաքական անվտանգության պայմանագրի կազմակերպության անդամ երկրներին կոչ է արել զգոն լինել Աֆղանստանից և «Իսլամական պետություն»-ից եկող ահաբեկչական սպառնալիքներից, փոխանցում է «ՏԱՍՍ»-ը:
«Ստեղծված իրավիճակը մտահոգիչ է, այսպես կոչված «Իսլամական պետության» զինված ջոկատներ են հայտնվում, որոնք նպատակ են դրել, որպեսզի Աֆղանստանի որոշ շրջաններ միացնեն այսպես կոչված «Իսլամական խալիֆաթ»-ին», – ասել է Պուտինը դեկտեմբերի 23-ին Մոսկվայում ՀԱՊԿ գագաթնաժողովի ժամանակ՝ ավելացնելով, որ ահաբեկիչները փորձում են ակտիվություն դրսևորել Կենտրոնական Ասիայում:
«Այս պայմաններում ՀԱՊԿ երկրները պետք է պատրաստ լինեն համապատասխան և կանխարգելիչ միջոցառումներ ձեռնարկելուն», – ասել է նա և վստահեցրել, որ ուժային կազմակերպության երկրներն այդ խնդիրների լուծման համար իրական հնարավորություններ ունեն:
ՀԱՊԿ գագաթնաժողովին է մասնակցում նաև ՀՀ նախագահ Սերժ Սարգսյանը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
