Ոստիկանությունից «Ազատությանը» փոխանցեցին, որ անհայտ անձանց կողմից ազատամարտիկներ Սուրեն Սարգսյանի, Մանվել Եղիազարյանի և Ռազմիկ Պետրոսյանի ծեծի դեպքերի առիթով քրեական գործ չի հարուցվի։ Ոստիկանությունը նման որոշումներ է կայացրել դեկտեմբերի 20-ին՝ հիմնվելով օրենքի այն դրույթի վրա, համաձայն որի՝ քրեական գործ կարող է չհարուցվել բողոք չլինելու դեպքում։
Հիշեցնենք, որ իշխանությանը խստորեն քննադատող, իշխանափոխություն պահանջող «Ազատամարտիկների դաշինք»-ի անդամ ազատամարտիկները մոտ երկու շաբաթ առաջ տեղի ունեցած ծեծի դեպքերից հետո ոստիկանություն բողոք չէին ներկայացրել՝ հայտարարելով, թե չեն վստահում իրավապահներին։
Նյութի մանրամասները կարդացեք «Ազատություն» ռադիոկայանի կայքում
