Ազատազրկման վայրեր իրենց հարազատներին, մերձավորներին, ընկերներին տեսակցության գնացած անձինք հաճախ են դիմում խմբագրությանը՝ տեսակցությունների, թույլտվությունների, օրենքով սահմանված կարգն իմանալու համար:
Արդարադատության նախարարության քրեակատարողական հիմնարկների նորաստեղծ պաշտոնական կայքը՝ ced.am -ն այլ օրենսդրական տեղեկատվական փաթեթից զատ, տեղադրել է նաեւ տեսակցությունների կարգի մասին հավելյալ տեղեկատվություն:
Համաձայն որի՝ «Բոլոր քրեակատարողական հիմնարկներում երկարատեւ տեսակցություն է տրամադրվում, իսկ կարճատեւ տեսակցությունը տրամադրվում եւ անցկացվում է աշխատանքային օրերին` ժամը 10:00-17:00-ն ընկած ժամանակահատվածում:
Մերձավոր ազգականների կամ այլ անձանց հետ կարճատեւ տեսակցություն տրամադրվում է ամսվա ընթացքում առնվազն մեկ անգամ` մինչեւ չորս ժամ տեւողությամբ: Համատեղ բնակվելու իրավունքով եւ միայն մերձավոր ազգականների հետ երկարատեւ տեսակցություն տրամադրվում է երկու ամսվա ընթացքում առնվազն մեկ անգամ` մինչեւ երեք օր տեւողությամբ: Երկարատեւ տեսակցություն տրամադրվում է նաեւ դատապարտյալի հետ ամուսնության մեջ չգտնվող այն անձի հետ, որի հետ դատապարտյալն ունի համատեղ երեխա:
Առանձնապես ծանր հանցագործության համար որոշակի ժամկետով ազատազրկման կամ ցմահ ազատազրկման դատապարտված անձանց տրամադրվում է տարվա ընթացքում առնվազն երեք կարճատեւ եւ մեկ երկարատեւ տեսակցություն: Նշված սահմանափակումը վերանում է, եթե դատապարտյալը փաստացի կրել է պատժի` Հայաստանի Հանրապետության քրեական օրենսգրքով պատիժը կրելուց պայմանական վաղաժամկետ ազատում կիրառելու համար սահմանված ժամկետը:
Կալանավորված անձին կամ դատապարտյալին տեսակցություն տրամադրելու համար անհրաժեշտ են կալանավորված անձի կամ դատապարտյալի համաձայնությունը եւ տեսակցություն հայցող անձի դիմումին կցված` վերջինիս անձը հաստատող, իսկ երկարատեւ տեսակցության համար` նաեւ նախկինում համատեղ բնակվելու իրավունքը, ինչպես նաեւ երեխայի հետ կալանավորված անձի կամ դատապարտյալի արյունակցական կամ ազգակցական կապը հավաստող փաստաթղթերի առկայությունը:
Կալանավորված անձի հետ միաժամանակ տեսակցել թույլատրվում է առավելագույնը երեք չափահաս եւ հինգ անչափահաս անձանց:
Կարդացեք նաև
Փակ, կիսափակ կամ կիսաբաց ուղղիչ հիմնարկում պատիժը կրող դատապարտյալին կարճատեւ տեսակցություն կարող է թույլատրվել միաժամանակ երեքից ոչ ավելի, իսկ երկարատեւ տեսակցության դեպքում` երկուսից ոչ ավելի չափահասների հետ, որոնց կարող են ուղեկցել դատապարտյալի անչափահաս եղբայրները, քույրերը, զավակները եւ թոռները»:
«Առավոտ» օրաթերթ
20.12.2014
Ուղեղը լեղի, քթում` խողովակ,
Մանկամիտ ցեղի փալանավորի,
Թեթև էգերի արյամբ բաղնիքն էլ
Չի մխիթարի արնածոր հոգիս,
Ղարա մոխիրը կմեղմի հոգիս,
Ֆաշիզմի որձաց մոխիրը պղտոր,
Առանց թանգարան ու առանց հիշող: