Վերջին շրջանում խաթարվել են բեռնափոխադրումները Կերչի նավահանգստով, ինչը երկաթուղով բեռներ տեղափոխող հայկական ընկերությունների համար բարդություններ է առաջացրել: Հայկական բեռները Փոթիից գալիս են Կերչի ծոցում գտնվող «Կովկաս» նավահանգիստ, իսկ այստեղից տեղափոխվում տարբեր ռուսական քաղաքներ:
Բայց «Կովկաս» նավահանգիստը վերջին 3-4 օրերին աշխատում է գերծանրաբեռնված ռեժիմով, քանի որ այս նավահանգստով են անցնում նաեւ ՌԴ Կրասնոդարի երկրամասից Ղրիմի Կերչ նավահանգիստ տեղափոխվող բեռները, իսկ Կերչ նավահանգիստը վատ եղանակային պայմանների, մառախուղի պատճառով լիարժեք չի գործում: Երեկ առավոտյան ՌԴ տրանսպորտային միասնական տնօրինությունը հայտնեց, որ լաստանավերի բնականոն երթեւեկությունը նավահանգստում վերականգնված է, իսկ ցերեկը նավահանգիստը մառախուղի պատճառով փակ է, եւ տեսանելիությունը 100 մետրից պակաս է: Այս վիճակը տիրում է արդեն 4 օր: Կերչում եւ «Կովկաս» նավահանգստում բեռների կուտակումներ եւ խցանումներ են գոյացել: Առաջնահերթությունը, բնականաբար, տրվում էր դեպի Ղրիմ մեկնող բեռներին:
Սյուզան ՍԻՄՈՆՅԱՆ
Հրապարակումն ամբողջությամբ՝ «Հրապարակ» թերթի այսօրվա համարում:
