«Ո՛չ գազի գնի թանկացմանը» նախաձեռնության անդամ Անի Կաղինյանն իր հերթին կոչ է անում չհապաղել, սկսել պայքարը։ «Վարորդների պահանջն ամբողջովին արդարացված է, եթե մարզերի գազալցակայաններում գազի գինը չի թանկացել, ինչո՞ւ են Երեւանում բարձրացել գները։ Չի կարելի անվճար աշխատեցնել վարորդներին՝ տեսախցիկների, արագաչափերի ու պլանների տակ»,- ասաց Կաղինյանը։
Նա առաջարկում է, որ երիտասարդները կանգնեն վարորդների կողքին, քանի որ նրանք առաջին անգամ ժողովրդի սրտից են խոսում, եթե հարկ լինի, գազալցակայանների մոտ եւս պետք է բողոքի ակցիաներ կազմակերպել. «Եթե իշխանությունները չեն ցանկանում, որ սոցիալական բունտ լինի, պետք է այնպես անեն, որ պլաններն իջեցնեն, հակառակ դեպքում քաղաքացիական բունտ կսկսվի»։
«Ո՛չ թալանին» նախաձեռնության անդամ Վաղինակ Շուշանյանն էլ նշեց, որ սա թալանի մեկ այլ միջոց է, որ ցանկանում են ժողովրդի վզին փաթաթել։ Նա այն համոզման է, որ թանկացումներն օլիգարխների ձեռքի գործն են։ «Երբ տրանսպորտին է հարցը վերաբերում, չի բացառվում, որ կառաջանա տրանսպորտային հեղափոխություն, բոլորը մի մարդու պես ոտքի կկանգնեն: Սա այն հարցն է, որ մենք չենք հանդուրժում»:
Աննա ՄԱԹԵՎՈՍՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
