«Բաշնեֆտ» նավթային ընկերության գործը ոչ մի կապ չունի Ռուսաստանում սեփականաշնորհման վերանայման հետ, հայտնել է ՌԴ նախագահ Վլադիմիր Պուտինը ամենամյա մամուլի ասուլիսի ժամանակ:
«Բաշնեֆտի» գործը որևէ կապ չունի սեփականաշնորհման վերանայման արդյունքների հետ, որովհետև դատարանը կասկածի տակ չի դրել մասնավորեցման օրինականությունը: Դատարանը կասկածի տակ է առել Ռուսաստանի Դաշնության սեփականությունից ռեգիոնալ սեփականության հանձնելու փաստը», – ասել է Պուտինը:
Հիշեցնենք, որ «Բաշնեֆտի» գործով՝ ընկերությունը վաճառելիս ապօրինի կերպով խոշոր շահույթ ստանալու մեղադրանքով, տնային կալանքի տակ է գտնվում հայազգի գործարար Լևոն Հայրապետյան:
Նույն մեղադրանքով տնային կալանքի տակ գտնվող մեկ այլ գործարար՝ Վլադիմիր Եվտուշենկոն, չորեքշաբթի ազատվել է կալանքից: Պուտինը անդրադարձել է նաև նրան՝ նշելով, որ հետաքննությունը չի ապացուցել «Բաշնեֆտ»-ը վաճառելիս փողերի լվացման մեջ Եվտուշենկոյի մեղավորությունը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
