Ուկրաինայի արևելքում պատերազմող զինյալները վարձկաններ չեն համարվում, քանի որ դրա դիմաց գումար չեն ստանում ու իրենց «սրտի կանչով են» այնտեղ, հայտնել է Ռուսաստանի նախագահ Վլադիմիր Պուտինը ամենամյա մեծ ասուլիսի ժամանակ՝ ավելացնելով, որ նրանց համար պատասխանատվությունը կրում է գերագույն գլխավոր հրամանատարը:
«Ռուսաստանում, ինչպես և ցանկացած նախագահական երկրներում ամեն ինչի համար պատասխան է տալիս նախագահը, իսկ զինվորականների համար՝ գերագույն գլխավոր հրամանատարը: Մեզ մոտ այդ երկուսը նույնն են», – ասել է նա և նշել, որ Ուկրաինայի հակամարտությունը պետք է լուծվի միայն քաղաքական ճանապարհով, իսկ ՌԴ-ն պատրաստ է հանդես գալ որպես միջնորդ:
Պատրաստեց Հովհաննես ԻՇԽԱՆՅԱՆԸ
