ՀՀ ԱԺ-ն քննարկում էր՝ փա՞կ, թե՞ բաց ռեժիմով անցկացնել ոչ իշխանական խմբակցությունների` արտահերթ նիստ հրավիրելու նախաձեռնությունը` փոխարժեքի տատանումների պատճառով երկրում ստեղծված իրավիճակը քննարկելու եւ լուծումներ գտնելու համար:
ՀՀ ԱԺ նախագահ Գալուստ Սահակյանը առաջարկեց, որ այն անցկացվի փակ, որ ժողովրդի շրջանում աժիոտաժից խուսափենք:
«Ժառանգություն» խմբակցության պատգամավոր Զարուհի Փոստանջյանը առարկեց. «Կարծում եմ, որ նիստը պետք է լինի բաց և անկեղծ ներկայացնենք այն իրավիճակը, որում հայտնվել ենք և դադարեցնենք ԵՏՄ բռնակցման բոլոր գործող պայմանագրերը»:
ՀԱԿ խմբակցության պատգամավոր Նիկոլ Փաշինյանը ևս դեմ արտահայտվեց փակ նիստ անցկացնելուն` նշելով, թե փակ նիստը ավելի մեծ աժիոտաժ կառաջացնի:
Կարդացեք նաև
ՀՀԿ խմբակցության ղեկավար Վահրամ Բաղդասարյանը կողմ արտահայտվեց փակ նիստ անցկացնելուն:
ԱԺ-ն կողմ՝ 75, դեմ՝ 6, ձեռնպահ՝ 1 ձայների հարաբերակցությամբ որոշեց նիստը անցկացնել փակ և առանց ընդմիջման:
Տաթև ՀԱՐՈՒԹՅՈՒՆՅԱՆ
