«Վերջին օրերին ֆինանսատնտեսական և ապրանքային շուկայում տեղի ունեցող վայրիվերումների ֆոնին առավել անհասկանալի է դառնում կառավարության որոշումը 12 օր ոչ աշխատանքային հայտարարելու մասին»,-այսօր ՀՀ ԱԺ արտահերթ նիստում այսպիսի առաջարկ արեց ՀՀ ԱԺ ՀԱԿ խմբակցության պատգամավոր Նիկոլ Փաշինյանը:
Նա մտահոգություն հայտնեց. «Վախենամ, որ 12 ոչ աշխատանքային օր անցկացնելուց հետո, երբ կառավարությունը, պետական հիմնարկները, Կենտրոնական բանկը ընդհանրապես փակված լինեն, տասներկու օր հետո պարզվի, որ առանց այն էլ անվերահսկելի իրավիճակը ընդհանրապես դուրս է եկել վերահսկողությունից»:
Պարոն Փաշինյանը առաջարկեց, որ կառավարությունը վերանայի իր որոշումը և ասաց. «Տրամաբանական կլինի, որ առավելագույնը հունվարի 1, 2, 6, 7-ը լինեն ոչ աշխատանքային օրեր, որ ժողովուրդը իրավիճակի մասին գոնե որոշակի օպերատիվ պաշտոնական տեղեկություն ստանալու հնարավորություն ունենա: Էլ չեմ ասում, որ ի վերջո սա հարմար առիթ կլինի, որ մեռելոցների ոչ այնքան պատշաճ քաղաքականության և պետական կարգի առումով ոչ վաղ անցյալի ավանդույթը ի վերջո կվերանայվի»:
Տաթև ՀԱՐՈՒԹՅՈՒՆՅԱՆ
