Վերջերս Կենտրոնական բանկը հայտարարեց, թե Հայաստանում արժույթի կուրսը ձեւավորվում է ազատ սկզբունքով. առաջարկ պահանջարկի սկզբունքով։ Մինչդեռ նոյեմբերի վերջին օրերին սանձազերծված «դոլարային պատերազմի» առաջին փուլի ժամանակ փաստերն այլ բանի մասին վկայեցին։
Մեկ փաստի մասին օրերս «ՉԻ»-ի հետ զրույցում խոսեց ԲՀԿ պատգամավոր Գուրգեն Արսենյանը։ Նա տեղեկացրեց, որ գործող «ռեյթ.ամ» կայքը, որտեղ տեղադրվում է բոլոր բանկերի կողմից առաջարկվող միջազգային արժույթի վաճառքի ու ձեռքբերման թվային պատկերը՝ ապացուցեց, թե ինչքան ազատ է ամեն ինչ։ «Բոլոր բանկերի առաջարկը մի պահ նույնն էր՝ դոլարի կուրսը՝ 442,5 դրամ էր։ Դա ազատի դրսեւորո՞ւմն էր։ Ինչքան բանկ կա Հայաստանում, չգիտես ինչու, մի պահ որոշեցին, որ ազատի դրսեւորումը 442,5 դրամն է մեկ դոլարի համար։ Հասկացաք՝ ի՞նչ եմ ասում։ Էդ ազատի դրսեւորումն է՝ ծայրից ծայր, վերեւից ներքեւ նույն թվով»։
Այսինքն՝ Կենտրոնական բանկը հրահանգ է տվել բոլոր բանկերին նույն գնով «աշխատե՞լ»՝ մեր այս դիտարկմանն ի պատասխան՝ վերջինս ասաց. «Չգիտեմ ի՞նչ է արել։ Ես միայն «ազատի» տարօրինակ դրսեւորման մասին ասացի»:
Գոհար ՎԵԶԻՐՅԱՆ
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
