Արամ Սաֆարյանը, շոկի մեջ, հայտարարում է, որ 2015 թվականի առաջին ամիսներից իսկ տնտեսական աճ ենք ունենալու։ Նա պնդում է, թե իր ղեկավարած կազմակերպության տնտեսագետներն են այդ հաշվարկն արել, ելնելով այն «իրողությունից», որ Հայաստանի նման փոքր տնտեսությունը, հայտնվելով ԵՏՄ հսկա տարածքի մեջ, ուզի-չուզի՝ աճ կարձանագրի։ Այ, այստեղ Քաջ Նազարին է պետք հիշել՝ գնամ, շահի քարվանը կտրեմ, բերեմ տուն լցնեմ։
Պարոն Սաֆարյան, եթե այդքան վստահ եք, որ տնտեսական աճ ենք արձանագրելու, ապա համոզեք Հովիկ Աբրահամյանին՝ խեղճ նաիրիտցիների աշխատավարձերը տա։ Միեւնույն է, ակնկալվող տնտեսական աճը կփակի բյուջեի վրա ավելացող բեռը։ Հիշո՞ւմ եք Ուստիանն ինչ ասաց խանդավառված Նազարին…
Արդեն հասկանալի է, չէ՞, որ հայ-ռուսական բարեկամության կլուբի անդամը շոկի մեջ է։
Դուք հետոն լսեք։ Ռուս տնտեսագետները հաշվել են, որ Ռուսաստանից տասնամյակներ կպահանջվեն տնտեսությունը վերականգնելու համար։ Ողջ աշխարհն այսօր մտածում է՝ ինչպես անի, որ չհայտնվի Ռուսաստանի տնտեսության փլատակների տակ, Ռուսաստանում ամեն ինչ թանկանում է, նույնը անմիջապես կատարվում է Հայաստանում, իսկ Արամ Սաֆարյանը տնտեսական աճից է խոսում։ Սա արդեն հալյուցինացիա է, եթե չասենք՝ զառանցանք, ուղեղի մորմոք կամ մի ուրիշ բան։
Կարդացեք նաև
Պարոն Սաֆարյան, չի կարելի ԱԺ քվեարկության թվերի վրա հենվելով հայտարարել, որ ժողովուրդը խանդավառված է ԵՏՄ մտնելու գաղափարից։ Մեր ժողովուրդն այդ գաղափարից խանդավառված է ճիշտ այնքան, ինչքան իր ԱԺ-ից եւ իշխանությունից։ Մեր ժողովրդին հասցրել են մի տեղ, երբ նա խանդավառված է այստեղից փախչելու հեռանկարով միայն։ Ցանկության դեպքում կարող եք ուսումնասիրել, թե որքան մարդ է «լայք» տվել ԱՄՆ վիզան դյուրացնելու մասին այդ երկրի կառավարության որոշմանը։
Էդիկ ԱՆԴՐԵԱՍՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
Արամից իսկ ինչ էիք սպասում?