«Ակոսի» խմբագիր Հրանտ Դինքի սպանությունը կրկին հայտնվել է թուրքական արդարադատության ուշադրության կենտրոնում:
Արդեն մեկ շաբաթից ավելի է ինչ Ստամբուլի քրեական գործերով դատարանում գրեթե ամենօրյա ռեժիմով հարցաքննություններ են անցկացվում, որոնց ընթացքում 2007-ի հունվարին կատարված աղմկահարույց այս հանցագործության թեմայով բացատրություններ են տալիս բարձրաստիճան թուրք պաշտոնյաներն ու ոստիկանները:
Երկուշաբթի հերթը հասավ Հրանտ Դինքի սպանության գործով անցնող թերևս ամենաառանցքային դերակատարներից մեկին` Թուրքիայի Ազգային ոստիկանության Ստամբուլի վարչության նախկին ղեկավար Ջելալեդդին Ջերահին: Դինքի սպանության գործում ի հայտ եկած նոր հանգամանքների առթիվ հարուցված քրեական գործում Ջերահը ներգրավվել է որպես կասկածյալ: Նրան մեղադրում են պաշտոնական լիազորությունների կատարման ընթացքում անփութություն ցուցաբերելու մեջ:
Ջերահը Ստամբուլի քաղաքային ոստիկանության ղեկավարի պաշտոնը զբաղեցնում էր հենց Դինքի սպանության և դրան նախորդող ժամանակահատվածում: Ըստ թուրքական դատախազության, չնայած ստացվող օպերատիվ տեղեկատվությանը, Ջերահն ու նրա ենթակաները այդպես էլ որևէ քայլ չէին ձեռնարկել ստամբուլահայ լրագրողի անվտանգությունն ապահովելու համար:
Կարդացեք նաև
Գեւորգ Ստամբոլցյան
Նյութի մանրամասները կարդացեք «Ազատություն» ռադիոկայանի կայքում
