Թեթեւ արդյունաբերությամբ զբաղվող «Ագնես» ընկերության ղեկավար Աշոտ Աղաջանյանն, այսօր Էկոնոմիկայի նախարար Կարեն Ճշմարիտյանի հետ հանդիպման ժամանակ, որը կազմակերպվել էր թեթեւ արդյունաբերության ոլորտի խնդիրներին ծանոթանալու նպատակով, վկայակոչելով Համաշխարհային բանկի պատվերով կատարված հետազոտության արդյունքներն ասաց, որ պարզվել է` 280 միլիոն դոլարի տրիկոտաժ է ներկրվել Հայաստան` մաքսանենգ ճանապարհով: Ըստ տնտեսվարողի, այդ պատճառով էլ այսօր տեքստիլ արտադրությունը չի կարող զարգացում ապրել, քանի որ վաճառականները նախընտրում են ներկրված ապրանքը իրացնել, քանի որ ավելի էժան է նրանց վրա նստում:
Կարեն Ճշմարիտյանը զարմանալով, որ այդպիսի զեկույց է լույս տեսել, նախ իր տեղակալներից սկսեց հարցուփորձ անել, թե տեղյա՞կ են արդյոք, որ նման ուսումնասիրություն կա, ապա սկսեց թեման այլ ուղղությամբ տանել` համոզելով Աշոտ Աղագուլյանին, որ տեղական արտադրությունը մրցունակ է անգամ մաքսանենգ ճանապարհով ներկրված ապրանքին: Նախարարը սկսեց հաշվարկներ անել եւ ապացուցել, որ վաճառողին ավելի ձեռնտու է տեղական արտադրողից ապրանք վերցնել:
Աշոտ Աղագուլյանի եւ նախարարի զրույցն առավել մանրամասն` տեսանյութում
Կարդացեք նաև
Լուսինե ԲՈՒԴԱՂՅԱՆ
