Նախկին պատգամավոր Արշակ Սադոյանի մեկնաբանմամբ, ԱԺ ՀԱԿ խմբակցության քարտուղար Արամ Մանուկյանի վրա հարձակումը շարքային դեպք էր:
«Երբ պատմեցին, որ առանց դեմքը ծածկելու եկել սիլա է տվել ու գնացել: Սա այնպիսի շարքային երեւույթ է, այնքան հաճախ են նման դեպքեր տեղի ունենում, որ դրա վրա ոչ ոք ուշադրություն չի դարձնում»,- այսօր «Հայելի» ակումբում ասաց Արշակ Սադոյանը:
Ինչ վերաբերում է ազատամարտիկների վրա հարձակման դեպքերին, ասաց, որ նրանց վախեցնելու նպատակով են հարձակումներ կազմակերպվել:
ՀԱԿ անդամ Գուրգեն Եղիազարյանն էլ ասաց, որ պատահական չէ, որ հենց ազատամարտին մասնակցած հրամանատարների են ծեծի ենթարկում. «Գեներալ-լեյտենանտը հրավիրեց երկու ազատամարտիկի եւ ասում է՝ թողեք գնացեք Հայաստանից, վատ է լինելու, ինչի՞ համար, որովհետեւ այդ ազատամարտիկները հիշողություն ունեն, ասում են՝ ինչո՞ւ եք Հայաստանի ընդերքը թալանում: Եթե օֆշորի հանճարը, որը էսօր դեսպան է, ասում էր՝ թողնենք, որ հեղափոխություն անե՞ք, այսօրվա գեներալն ասում է ՝ վեր կացեք գնացեք»:
Կարդացեք նաև
Անդրադառնալով Արամ Մանուկյանի վրա հարձակման դեպքին՝ հարցրեց նախաքննություն իրականացնողը եղո՞ւնգ է նայել, որ ասում է, թե պատգամավորի վնասվածքը միջին ծանրության է. «Իրենք արդեն գիտեն ինչ ծանրության է, որովհետեւ էդ խոպանչի Արշակը թուրքերի կողմից ուղարկված քաբաբ ուտող դիվերսանտ էր: Թուրքերն էլ ասելն են, Սերժ Սարգսյանը մեր մոտ կոմսոմոլի քարտուղար է եղել, շատ լավ էլ աշխատել է Ադրբեջանի համար, ինչո՞ւ եք պախարակում էդ մարդուն: Նա էլ տոգորված եկել, հարվածել է»:
Արշակ Սադոյանն էլ կատակեց. «Այ մարդ, խայտառակ եղանք, գոնե անունը Արշակ չլիներ»:
Արփինե ՍԻՄՈՆՅԱՆ
